Guru Purnima celebration - Shirdi

 

 

 

 

 

Read More

మిత్రులందరికీ గురు పౌర్ణమి శుభాకాంక్షలు…….

మిత్రులందరికీ గురు పౌర్ణమి శుభాకాంక్షలు…….
గురు బ్రహ్మ గురుర్ విష్ణు
గురు దేవో మహేశ్వరః
గురు సాక్షాత్ పర బ్రహ్మ
తస్మై శ్రీ గురవే నమః
గురువే బ్రహ్మ, గురువే విష్ణు, గురువే మహేశ్వరుడు. గురువు సాక్షాత్ పరబ్రహ్మ. అటువంటి గురువుకు నమస్కరిస్తున్నాను అని
ఈ సంస్కృత శ్లోకం అర్ధం.
గురు పౌర్ణమి సందర్భంగా గురువులందరికీ నమస్కారములు.

ప్రతి ఏటా ఆషాడ మాసంలో వచ్చే శుద్ధ పౌర్ణమి ని "గురు పౌర్ణమి" గా జరుపుకుంటాం. ముని శ్రేష్ఠుడుడైన వ్యాస మహాముని జన్మ తిధి కూడా ఈరోజే. అందుకనే ఈ రోజుని "వ్యాస పౌర్ణమి" అని కూడా పిలుస్తారు. త్రిమూర్తి స్వరుపులకు మహాగురువు వేద వ్యాసుడు.. మహా భారతం ధర్మ మార్గంలో పయనించేలా చేసిన వేదవ్యాసుడు తరతరాలకు గురువయ్యారు. అలాగే బ్రహ్మ సూత్రాలను రచించడం ద్వార ఆయన ఆధ్యాత్మిక గురువయ్యారు. పద్దెనిమిది పురాణాలను రచించడం ద్వార చారిత్రక గురువయ్యారు. ఇలా మన కలియుగం లోని వారందరికీ వేద వ్యాసుడు తోలి గురువయ్యారు. అందుకే ఈరోజుని "వ్యాస పౌర్ణమి" గా పిలుస్తాం. జ్ఞానాన్ని ప్రసాదించిన గురువులని పూజిస్తాం.

అసలు గురువు అంటే ఏంటి?? "గు" అంటే అజ్ఞనాంధకారం అని అర్ధం.. "రు" అంటే అజ్ఞానాన్ని నిరోధించేది అని అర్ధం.. గురువు అంటే అజ్ఞానాంధకారాన్ని నిరోధించేవాడని అర్ధం.
జీవితానికి మార్గ నిర్దేశనం చేసే వారు, ముక్తి మార్గం వైపు నడిపించే వారు, తత్వ జ్ఞానాన్ని ప్రసాదించేవారు, అజ్ఞానమనే అంధకారాన్ని పోగొట్టి జ్ఞానం అనే వెలుతురూ చూపించే వారు, సన్మార్గం వైపు నడిపించే వారు వీరందరూ గురువులే.. మనం భగవంతుని చేరాలంటే ముందుగా ఆ జ్ఞానాన్ని పొందాల్సింది గురువు దగ్గరే.. గురువే మనకి అనుసందాన కర్త. ఈరోజు జరుపుకొనే "వ్యాస పౌర్ణమి" చెప్పిన సారంశం కూడా ఇదే..

ప్రతి ఒక్కరికి తల్లి తోలి గురువు. బుడి బుడి అడుగులు వేసే సమయంలో.. ఓనమాలు దిద్దించే సమయంలో తండ్రి గురువు, ఆ తరువాత జ్ఞానాన్ని భోదించే ఉపాధ్యాయుడు గురువు. అందుకే అమ్మ నాన్నాల తరువాత అంతటి ప్రాదాన్యం గురువులకి ఇచ్చాం. శిష్యులు లేని గురువులు ఉండవచ్చు కాని గురువు లేని శిష్యులుండరు...

ఇక్కడ మనందరికీ ఒక సందేహం రావచ్చు.. "వ్యాస పౌర్ణమి" రోజున వ్యాసుడిని పూజించాలి కదా.. మరి సాయి బాబాను ఎందుకు పూజిస్తున్నాం అని... ఎందుకంటే సాయిబాబా సమర్ధ సద్గురువు కాబట్టి.. మనిషి ఎలా బ్రతకాలో భగవద్గీతలో శ్రీ కృష్ణుడు చెబితే, అలా జీవించి చూపిన మహోన్నత వ్యక్తి సాయిబాబా. సమత, మమత, ప్రేమ లాంటి మానవతా భావానల గురించి భక్తులకి చెప్పిన అవధూత సాయిబాబా. అన్ని మతాలూ సమతం అని భోదన చేసినవారు అయన. "ఆత్మవత్ సర్వభూతాని" అనే భగవద్గీత తత్వాన్ని చూపించి మనవ రూపంలో ఉన్న దేవుడిగా భక్తులందరికీ ఆదర్శ ప్రాయుడైన గురువుగా నిలిచారు బాబా. బాబా భోదనలు మనో వికాసాని కలిగిస్తాయి. ఉత్తమ లక్షణాలను అలవారుస్తాయి కూడా. అదే సాయి తత్వం. అందుకే గురు పౌర్ణమి రోజున సమర్థ సద్గురు సాయినాథ్ మహారాజ్ అయిన ఆ బాబా ని ఆరాదిస్తారు.

Read More

గురు పౌర్ణమి.

"ఆషాడ శుద్ధపౌర్ణమిని" "గురుపౌర్ణమి" అంటారు

గురు పౌర్ణమి.

గురుర్ బ్రహ్మ గురుర్ విష్ణుః గురుర్దేవో మహేశ్వరః
గురుస్సాక్షాత్ పరబ్రహ్మ తస్మై శ్రీ గురవే నమః

అజ్ఞాన తిమిరాన్థస్య జ్ఞానాంజన శలాకయా
చక్షురున్మీలితం యేన తస్మై శ్రీ గురవే నమః

అని గురుదేవులకు నమస్కరిస్తూ పండగ జరుపుకోవడం శిష్యులకు అనూచానంగా వస్తున్న సదాచారం - అందరికి ఆచరనీయమైనది. మరింతగా సాధకులను సాధనోన్ముఖులను చేసే సాధనం గురు పౌర్ణమి.

గురొః ప్రసాదాదన్యాత్ర నాస్తి సుఖం మహీతలే

గురు పౌర్ణమి నాడు అట్టి గురు అనుగ్రహాన్ని పొందితీరాలి .

వేదాలను పంచమ వేదమైన మహాభారతాన్ని పురాణాలను మనకందిచిన ఆర్షవాజ్మయానికి మూల పురుషుడైన వ్యాస మహర్షి జన్మించిన ఆషాడ పౌర్ణమి వ్యాస పౌర్ణమిగా చెప్పబడినది. వ్యాసుడు జగద్గురువు కనుకనే ఆయన జయంతిని గురుపూర్ణిమగా జరుపుకుంటారు. ఈ రోజున వ్యాస భగవానుని స్మరించడము పూజించడము మన విధి.

అపరనారాయణుడు అయిన వేద వ్యాసుని వలననే మన భారతీయ సంస్కృతీ పరిపుష్టమయ్యింది. వేదాలు విభజించి, అష్టాదశ మహాపురాణాలను ఏర్పరచి, మహాభారత ఇతిహాసాన్ని రచించి, మహా భాగవతాన్ని ప్రసాదించి, బ్రహ్మసూత్రాలను నిర్మించి కర్మ, జ్ఞాన, భక్తి మార్గాలను పటిష్టం చేసిన ఆ మహాత్ముని ఈ రోజు అర్చించడము మన ధర్మము.

గురువు అంటే అజ్ఞానాన్ని దూరము చేసేవాడని అర్ధం, గురువులను గౌరవించడానికి ప్రతి ఆషాడ పూర్ణిమ నాడు మనము గురుపూర్ణిమను జరుపుకొంటాము, భారతీయ ఆధ్యాత్మిక సాంప్రదాయములో గురు శిష్య సాంప్రదాయము అతి విశిష్టమైనది, పూర్వము ఉపనయనానంతరము తల్లి తండ్రులను వీడి, గురువు వద్దనే వుంది గురు శుశ్రూష చేస్తూ గురుకులములో విద్యనూ నేర్చుకునేవారు, అందుకే మాత్రు దేవోభవ, పితృదేవోభవ, ఆచార్య దేవోభవ అని నమస్కరిస్తాము, 'గు' అంటే చీకటి - 'రు' అంటే ప్రకాశం. చీకటిని తొలగించి ప్రకాశింప చేసేవాడు గురువు, అజ్ఞానమనే చీకటిని ఆధ్యాత్మిక విద్యను భోదించే జ్ఞాన ప్రకాశవంతునిగా శిష్యుణ్ణి తీర్చి దిద్దడమే ఆనాటి గురువుల లక్ష్యం. ఆ గురువు అనుగ్రహముతో విద్యనూ పూర్తి చేసుకుని ధర్మ బద్దముగా జీవన యాత్రను సాగించేవారు శిష్యులు. గురువుల దివ్యఆశీస్సులను మరల మరల పొందడానికి అవకాశం కల్పిస్తుంది ఈ గురు పూర్ణిమ.

Read More

SAI ANNIDHI - Baba Monthly Magazine -july2014

 Online లో చదవడానికి క్రింది లింక్ క్లిక్ చేయండి | Click Below Link to View / Read Online.

 క్రింది లింక్ నుండి డౌన్లోడ్ చేసుకోండి | Download From The Below Link              

                             

Read More

కాకాసాహెబు దీక్షిత్ (1864 - 1926)

మధ్యపరగణాలోని ఖాండ్వా గ్రామమందు వడనగర నాగర బ్రాహ్మణకుటుంబములో హరిసీతారామ్ ఉరఫ్ కాకాసాహెబు దీక్షిత్ జన్మించెను. ప్రాథమికవిద్యను ఖాండ్వాలో హింగన్ ఘాట్ లలో పూర్తి చేసెను, నాగపూరులో మెట్రిక్ వరకు చదివెను. బొంబాయి విల్సన్, ఎల్ఫిన్ స్టన్ కాలేజీలలో చదివి 1883లో పట్టభద్రుడయ్యెను. న్యాయవాది పరీక్షలో కూడ ఉత్తీర్ణుడై లిటిల్ అండు కంపెనీలో కొలువునకు చేరెను. తుదకు తన సొంతన్యాయవాదుల కంపెనీ పెట్టుకొనెను.

1909కి ముందు సాయిబాబా పేరు కాకాసాహెబు దీక్షిత్ కు తెలియదు. అటుపిమ్మట వారు బాబాకు గొప్ప భక్తులైరి. ఒకానొకప్పుడు లొనావ్లాలో నున్నప్పుడు, తన పాతస్నేహితుడగు నానాసాహెబు చాందోర్కర్ ను జూచెను. ఇద్దరును కలిసియేవో విషయములు మాట్లాడుకొనిరి. కాకాసాహెబు తాను లండనులో రైలుబండి ఎక్కుచుండగా కాలుజారిపడిన యపాయమునుగూర్చి వర్ణించెను. వందలకొలది ఔషధములు దానిని నయము చేయలేకపోయెను. కాలు నొప్పియు, కుంటితనమును పోవలెనన్నచో, అతడు సద్గురువగు సాయివద్దకు పోవలెనని నానాసాహెబు సలహా నిచ్చెను. సాయిబాబా విషయమై పూర్తి వృత్తాంతమును విశదపరచెను. సాయిబాబా "నా భక్తుని సప్తసముద్రముల మీద నుంచిగూడ పిచ్చుక కాలికి దారముకట్టి యీడ్చినట్లు లాగుకొని వచ్చెదను." అను వాగ్దానమును, ఒకవేళ వాడు తనవాడు కానిచో వాడు తనచే నాకర్షింపబడడనియు, వాడు తన దర్శనమే చేయలేడనియు బాబా చెప్పిన సంగతి తెలియజేసెను. ఇదంతయు విని కాకాసాహెబు సంతసించి, "సాయిబాబా వద్దకుపోయి, వారిని దర్శించి కాలుయొక్క కుంటితనమునకంటె నా మనస్సుయొక్క కుంటితనమును బాగుచేసి శాశ్వతమైన యానందమును కలుగజేయమని వేడుకొనెద"నని నానాసాహెబుతో చెప్పెను.

కొంతకాలము పిమ్మట కాకాసాహెబు అహమద్ నగర్ వెళ్ళెను. బొంబాయి లెజిస్ లేటివ్ కౌన్సిల్ లో వోట్లకై సర్దార్ కాకాసాహెబు మిరికర్ యింటిలో దిగెను. కాకాసాహెబు మిరీకర్ కొడుకు బాలాసాహెబు మిరీకర్. వీరు కోపర్ గాం కు మామలతుదారు. వీరు కూడ గుఱ్ఱపు ప్రదర్శన సందర్భములో అహమద్ నగరు వచ్చి యుండిరి. ఎలక్షను పూర్తియైన పిమ్మట కాకాసాహెబు షిరిడీకి పోవ నిశ్చయించు కొనెను. మిరీకర్ తండ్రీకొడుకులు వీరిని ఎవరివెంట షిరిడీకి పంపవలెనాయని యాలోచించుచుండిరి. షిరిడీలో సాయిబాబా వీరిని ఆహ్వానించుటకు సిద్ధపడుచుండెను. ఆహమద్ నగరులో నున్న శ్యామా మామగారు తన భార్య ఆరోగ్యము బాగా లేదనియు, శ్యామాను తన భార్యతో గూడ రావలసినదనియు టెలిగ్రామ్ యిచ్చిరి. బాబా యాజ్ఞను పొంది శ్యామా అహమద్ నగరు చేరి తన అత్తగారికి కొంచెము నయముగా నున్నదని తెలిసికొనెను. మార్గములో గుఱ్ఱపు ప్రదర్శనమునకు బోవుచున్న నానాసాహెబు షాన్షె, అప్పాసాహెబు గద్రేయు శ్యామాను గలిసి, మిరీకరు ఇంటికి పోయి కాకాసాహెబు దీక్షితుని కలసి, వారిని షిరిడీకి తీసికొని వెళ్ళుమనిరి. కాకాసాహెబు దీక్షితుకు మిరీకరులకు శ్యామా అహమద్ నగరు వచ్చిన విషయము తెలియజేసిరి. సాయంకాలము శ్యామా మీరీకరులవద్దకు పోయెను. వారు శ్యామాకు కాకా సాహెబుదీక్షిత్ తో పరిచయము కలుగజేసిరి. శ్యామా కాకాసాహెబు దీక్షితుతో కోపర్ గాం కు ఆనాటి రాత్రి 10 గంటలకు రైలులో పోవలెనని నిశ్చయించిరి. ఇది నిశ్చయించిన వెంటనే యొకవింత జరిగెను. బాబాయొక్క పెద్దపటము మీది తెరను బాలాసాహెబు మిరీకరు తీసి దానిని కాకాసాహెబు దీక్షితుకు చూపెను. కాకాసాహెబు శిరీడీకి పోయి యెవరినయితే దర్శించవలెనని నిశ్చయించుకొనెనో, వారే పటము రూపముగా నచట తనను ఆశీర్వదించుటకు సిద్ధముగా నున్నట్లు తెలిసి యతడు మిక్కిలి యాశ్చర్యపడెను. ఈ పెద్దపటము మేఘశ్యామునిది. దానిపై యద్దముపగిలినందున నాతడు దానికింకొక యద్దము వేయుటకు మిరీకరులవద్దకు బంపెను. చేయవలసిన మరమ్మతు పూర్తి చేసి ఆ పటమును కాకాసాహెబు శ్యామాలద్వారా షిరిడీకి పంపుటకు నిశ్చయించిరి.

10 గంటల లోపల స్టేషనుకు పోయి టిక్కెట్లు కొనిరి. బండి రాగా సెకండుక్లాసు క్రిక్కిరిసి యుండుటచే వారికి జాగా లేకుండెను. అదృష్టవశాత్తు గార్డు కాకాసాహెబు స్నేహితుడు. అతడు వారిని ఫస్టుక్లాసులో కూర్చుంటబెట్టెను. వారు సౌఖ్యముగా ప్రయాణము చేసి కోపర్ గాం లో దిగిరి. బండి దిగగానే షిరిడీకి పోవుటకు సిద్ధముగా నున్న నానాసాహెబు చాందోర్కరును జూచి మిక్కిలి యానందించిరి. కాకాసాహెబు, నానాసాహెబు కౌగలించుకొనిరి. వారు గోదావరిలో స్నానము చేసిన పిమ్మట షిరిడీకి బయలుదేరిరి. షిరిడీ చేరి బాబా దర్శనము చేయగా, కాకా సాహెబు మనస్సు కరగెను. కండ్లు ఆనందబాష్పములచే నిండెను. అత డానందముచే పొంగిపొరలుచుండెను. బాబా కూడ వారికొరకు తాము కనిపెట్టుకొని యున్నట్లును వారిని తోడ్కొని వచ్చుటకే శ్యామాను బంపినట్లును తెలియజేసెను.

పిమ్మట కాకాసాహెబు బాబాతో నెన్నో సంవత్సరములు సంతోషముగా గడపెను. షిరిడీలో నొక వాడాను గట్టి దానినే తన నివాసస్థలముగా జేసికొనెను. అతడు బాబావల్ల పొందిన యనుభవములు లెక్కలేనన్ని గలవు. వాని నన్నిటిని ఇచ్చట పేర్కొనలేము. ఈ కథను ఒక విషయముతో ముగించెదము. బాబా కాకాసాహెబుతో "అంత్యకాలమున నిన్ను విమానములో తీసుకుపోయెదను" అన్న వాగ్దానము సత్యమైనది. 1926వ సంవత్సరము జూలై 5వ తేదీన అతడు హేమడ్ పంతుతో రైలు ప్రయాణము చేయుచు బాబా విషయము మాట్లాడుచు, సాయిబాబా యందు మనస్సు లీనము చేసెను. ఉన్నట్లుండి తన శిరమును హేమడ్ పంతు భుజముపై వాల్చి యే బాధయు లేక, యెట్టి చీకాకు పొందక ప్రాణములు విడిచెను.

Read More

SHRADHA & SABURI

No matter what kind of problems are you facing..if you have SAI with you..every problem will vanish soon..
For He knows where you are right now..he hasn't forgotten about you..and he has never left your side.. he will carry you through..
So keep the candle of SHRADHA & SABURI ever burning in your heart.

Read More

Baba’s Miraculous Udi

Sai Sister Payal from India says: Sai ram to everyone, my name is Payal and i am from New Delhi. I want to share my recent experience. From some days i was having a little pain in my left eye but i did not want to go to the doctor. So i prayed to Sai Baba that You are my doctor, please cure my pain from Your Udi. I had not told this thing to my family also. I applied Udi for many days on my eyes and also drank with water. After some days my pain slowly went away. I am very thankful to my Sai Baba. Please bless my family and everyone with good health, wealth and prosperity.

Read More